Ég er að mála

Ég er að mála baðherbergið okkar. Mér finnst alltaf jafn gaman að mála. Veit ekki af hverju. Kannski af því að lyktin minnir mig alltaf á jólin? Á morgun verður lyktin ekki jafn góð. Þá ætla ég að mála botninn með einhverjum viðbjóði. Ég er kominn með lífstíðarofnæmi fyrir lakki. Ég lakkaði á sínum tíma gólf fyrir vinnuveitanda minn og gríman stíflaðist. Lakkið hét nafni sem hljómar meira að segja ofnæmisvaldandi - M29. Þetta hljómar nú líka eins og sparileið hjá Sparisjóði Reykjavíkur og nágrennis eða áskriftarleið hjá Stöð 2. En alla vega þá leitar líkami minn á klósettið ef ég er mikið að anda að mér lakklykt. Eitt er víst - ég hefði orðið afleitur sniffari!